"Jainkosaren belauna" – ipuin antzeztua

Kobazuloen Egunaren karietara, Maddi Zubeldiak ipuin antzeztu eta musikatua eskainiko du Sarako Lezeetan. Finlandiako kosmogoniaren kondaira batean oinarriturik, Luonnotar jainkosaren eta arrano arrantzale baten arteko topaketa kontatuko du. Topaketa horretatik sortuko da gure mundua, itsasotik Lurraren erraietaraino doan bidaian, gau enara bat lurpean gidari duela. Kantuek eta poesiak lagundurik, gure lurraren edertasun paregabea berrezagutzera gonbidatzen gaitu.